اسلام آباد ۔ 17 جون (اے پی پی) اقتصادی رابطہ کمیٹی (ای سی سی) وزیراعظم دے برآمدات اچ ودھارے کیتے پیکج دے تحت وزارت تجارت دیاں تجویز اں دی منظوری ڈے ڈتی ہے جیندے تحت برآمد کنندگان 30 جون 2017ءتئیں کیتی ونجنڑ آلیاںبرآمدات دے کلیمز 30 ستمبر 2017ءتئیں جمع کروا سگسن ۔ وزارت خزانہ دے بیان دے مطابق ای سی سی وزارت نیشنل فوڈ سکیورٹی اینڈ ریسرچ دی تجویز دی منظوری وی ڈتی ہے ، کنڑ اتے ایندی مصنوعات دی برآمدات دی تریخ کوں 31 اگست 2017ءتئیں توسیع ڈتی ہے جڈانجو 15 مارچ 2017ءتئیں محکمہ خوراک توں کنڑ ک چاونڑآلے برآمد کنندگان وی ایندے توں فیدہ چاءسگسن ۔ ای سی سی افغانستان کو ں کنڑ ک دی فراہمی بارے پاسکو دی واجب الوصول رقوم دے طریقہ کار دی وی منظوری ڈے ڈتی ہے ۔ اقتصادی رابطہ کمیٹی وفاقی حکومت کو ںتجویز پیش کیتی ہے جو 30 ستمبر 2017ءتئیں گوشوارے جمع نہ کراونڑ آلیاں کیتے ود ہولڈنگ ٹیکس برائے بینکنگ ٹرانزیکشنز دی شرح 0.4 فیصد تئیں رکھی ویسی جڈانجو اجلاس اچ سیکرٹری خزانہ طارق باجوہ دی خدمات کو ں وی خراج تحسین پیش کیتا جو (اج) 18 جون کوں ریٹائر تھیندے پئے ہن ۔
