اسلام آباد ۔ 10 جون (اے پی پی) وفاقی وزیر خزانہ سینیٹر اسحق ڈارامید کیتی ہے جو بجٹ اچ عوام دی فلاح وبہبود سانگے کیتے گئے اعلان دے اقدامات نال بہتری اتے خوشحالی امسی ، اتے ایندے نال پاکستان اعلی، پائیدار اتے نمایاں اقتصادی ترقی دے قابل تھیسی ۔ حکومت دی چار سالہ روایات اتے جذبے کوں سامنڑیں رکھیندے ہوئیں پارلیمنٹ دے رکناں ولوں ملنڑآلیاں تجویزاں کوں شامل کیتا ویسی ۔ وفاقی وزیر خزانہ سینیٹر اسحق ڈاردی صد ارت اچ چھنڑ چھنڑ کوں اتھاں ہک اعلی سطح دا اجلاس تھئے ، جیندے اچ اراکین پارلیمنٹ ولوں آندے مالی سال 2017-18دے بجٹ اُتے ملنڑآلیاں تجویز اں دا جائزہ گھدا گئے ۔ ایں موقعے تے وزیر اعظم دے معاون خصوصی برائے ریونیو ہمایوں اختر خان، سیکرٹری خزانہ ، سیکرٹری اقتصادی امور ڈویژن ،دے علاوہ بئے وزیراں اتے ایف بی آر دے اعلی حکام شرکت کیتی۔ایں موقعے تے وزیر اعظم دے معاون خصوصی برائے ریونیو ہمایوں اختر خان، سیکرٹری خزانہ حالیہ بجٹ اجلاس اچ ڈو ہفتیاں اچ اراکین پارلیمنٹ ولوں آندے مالی سال 2017-18دے بجٹ اُتے ملنڑآلیاں تجویزاں بارے ڈسایا۔ انہاں وزیر خزانہ کوں بئے فریقین ولوں ملنڑآلیاں بجٹ تجویزاں بارے وی ڈسایا۔ انہاں ڈسایا جو انہاں تجویز اں دی روشی اچ ہک جامع پالیسی بنڑا ئی گئی ہے ۔
