اسلام آباد ۔ 3 جون (اے پی پی) پاکستان اچ تعینات برطانوی ہائی کمشنر تھامس ڈریو وفاقی وزیر خزانہ اسحاق ڈار کوںاندے مہینے لندن اچ تھیونڑآلے خاندانی منصوبہ بندی بارے سربراہ اجلاس اچ شرکت دی دعو ت ڈتی ہے ۔ اے دعوت گزریل ڈینھ اتھاں وزیر خزانہ نال برطانوی ہائی کمشنر دی ملاقات اچ ڈتی گئی ۔ برطانوی محکمہ برائے بین الاقوامی ترقی یو این فنڈ برائے پاپولیشن ویلفئر اتے بل اینڈ ملنڈا گیٹس فاونڈیشن دے سانجھ نال ایں سربراہ اجلاس دااہتمام کیتے ۔ وزیر خزانہ اسحاق ڈار برطانوی ہائی کمشنر دا شکریہ ادا کریندے ہوئیں آکھے جو خاندانی منصوبہ بندی ہک اہم مسئلہ ہے اتے حکومت اجلاس اچ پیش کیتے ونجنڑآلے تصورات اتے تجربات توں فیدہ چاونڑ اچ دلچسپی رکھیندی ہے ۔ تھامس ڈریو کامیاب بجٹ2017-18 پیش کرنڑاُتے وفاقی وزیر خزانہ کو ںمبارخ ڈتی اتے شمولیت اتے پائیدار اقتصادی ترقی اچ آپنڑیں حکومت ولوں پوری طرح با نہہ بیل بنڑنڑ دا پورا یقین ڈیوایا۔ اسحاق ڈار پاکستان اچ اقتصادی ترقی اتے عوام دی فلاح و بہبود سانگے مختلف منصوبیاں اچ برطانوی تعاون اُتے شکریہ ادا کیتا۔
