راولپنڈی۔ 12 جون (اے پی پی) بھارتی فوج ولوں لائن آف کنڑول تے جنڈ روٹ تے ہاٹ سپرنگ سیکٹر اچ بلااشتعال فائرنگ نال ڈو شہری شہید جڈاں جو ہک تریمت تے بالڑی زخمی تھی گے ہن ۔بھارتی فوج دے فائرنگ دے دوران گولہ باری دے ذریعے لائن آف کنڑول تے شہری آبادی کوںنشانہ بنڑایا ۔پاک فوج منہ بھن جواب نال بھارتی فوج کوں ودی ودھ ساری جانی تے مالی ضیان پجایا ۔پاک فوج دے شعبہ تعلقات عامہ(آئی ایس پی آر) دے مطابق سنوار کوں بھارتی فوج لائن آف کنڑول تے سیزفائر دی خلاف ورزی کریندے ہوئیں جندروٹ تے ہارٹ سپرنگ سیکٹر تے باری گولہ باری کیتی جیں نال بھابڑہ وستی دے رہنڑ آلے 18 سالیں دا وقار یونس اتے 19سالہ اسد علی شہید تھی گے ہن جڈاں جو بھابڑہ وستی دے30سالہ محمد شہباز ‘چکرالی وستی دی 35سالہ شمائلہ خورشید اتے 14سالہ حفصہ شبیر زخمی تھی گی۔پاک فوج بھارتی بلااشتعال فائرنگ دا من بھن جواب ڈتا جیں نال بھاتی فوج کوں جانی تے مالی ضیان پجا تے چیک پوسٹاں دا وی ضیان تھیا ۔
