اسلام آباد ۔ 14جون (اے پی پی) سپیکر قومی اسمبلی سردار ایاز صادق آکھیا ہے جو بجٹ اجلاس دے دوران وزیر خزانہ ولوں پارلیمنٹ ہائوس اچ کم کرنڑ آلے سرکاری ملازماں کوں اعزازیہ کائناں ڈیسن تاں ایندے نال پارلیمنٹ دااستحقاق مجروح تصور کیتا ویسی ۔بدھ کوں قومی اسمبلی دے اجلاس اچ اپوزیشن رکن آفتاب احمد خان شیر پائوآکھیا جو وزیر خزانہ بجٹ سیشن دے دوران اسمبلی سیکر ٹریٹ اتے بئے سرکاری اداریں دے اتھاں فرائض سر انجام ڈیونڑ آلے ملازماں کوں اعزازیے د ا اعلان کیتا ونجے ۔سپیکر آکھیا جو اتھاں اعزازیہ ڈیونڑ دا اعلان تاں تھی ویندا ہے اساکوں شکایت ملی ہے جووزارتاں ایندے تے عمل در آمد کائنی کریندیاں ۔وزیر خزانہ ا سحاق ڈار آکھیا جو یقینی طور تے نہ صرف اسمبلی سیکر ٹریٹ بلکہ اتھاںکم کرنڑ آلے سارے سرکاری اداریں دے ملازماں کوں اعزازیہ ڈتا ویسی ۔
