روایتی حریف بھارت دے خلاف شاندار کامیابی حاصل کر تے قومی ہیروز نویں تریخ رقم کیتی اے،رانا مشہود

لاہور۔20 جون (اے پی پی )صوبائی وزیرسکولز ایجوکیشن رانا مشہود احمد خاں آکھیا جو روایتی حریف بھارت دے خلاف شاندار کامیابی حاصل کر تے قومی ہیروز نویں تریخ رقم کیتی اے اتے پوری قوم کوں کرکٹ ٹیم دی کامیابی تے فخر اے،اے گالھیں انہاں سویلے لاہور ایئر پورٹ تے قومی ہیروز دی وطن واپسی دے موقع تے میڈیا نال گالھ مہاڑ کریندیں ہوئیں آکھی،چیمپئنز ٹرافی جتنڑ دے بعد کرکٹ دے قومی ہیروز دی واپسی ،ائیرپورٹ تے بابراعظم،حسن علی،فہیم اشرف اتے حمد شہزاد دا شاندار استقبال کیتا گئیا۔صوبائی وزیررانا مشہود احمد خاں ’ وزیر اعلیٰ پنجاب محمد شہباز شریف دی نمائندگی کریندیں ہوئیں قومی ہیروز دا استقبال کیتا،ایں توں علاوہ مجتبیٰ شجاع الرحمٰن،بلال یٰسین،سید رضا علی گیلانی، جہانگیر خانزادہ اتے بئے دیگر ولوں قومی ہیروز دا شاندار استقبال کیتا۔