اسلام آباد ۔ 29 جون (اے پی پی) سال 2030ءتئیں متبادل ذرائع نال بجلی دی پیداوار9ہزار700 میگاواٹ بجلی پیدا کیتی ویسی۔ متبادل ذرائع نال (گنے دے پھوگ نال) بجلی دی پیداوار کیتے ترائے نویاں کمپنیاں کوں اجازت نامے جاری کرڈتے گئین جیندے نال 83 میگاواٹ بجلی قومی گرڈ اچ شامل ہوسی۔ متبادل ذرائع نال بجلی پیدا کرنڑ آلے ترقیاتی بورڈ( اے ای ڈی بی) دے چیف ایگزیکٹو آفیسر امجد علی اعوان آکھیا جو پنجاب اچ تیرہ میگاواٹ بجلی متبادل ذرائع نال پیدا کرنڑ سانگے انڈس انرجی لمیٹڈ جڈاں جو سندھ اچ میرپور خاص انرجی لمیٹڈ اتے فاران انرجی لمیٹڈ کوں26،26 میگاواٹ بجلی پیدا کرنڑدے اجازت نامے جاری کیتے گئین ۔ انھاں آکھیا اے جو ترائے کمپنیاں گنے دے پھوگ نال بجلی پیدا کریسن۔
