ملتان۔30 جون (اے پی پی )سانحہ احمد پورشرقیہ اچ متاثر تھیونڑ آلی 9سالہ بالڑی کوں نشترہسپتال دے برن یونٹ اچ علاج دے بعد صحت یاب تھیونڑ آلے ڈسچارج کرڈتاگیا اے۔نشترہسپتال ذرائع موئجب سانحہ احمد پورشرقیہ اچ متاثر تھیونڑدی9سالہ مسکان ولد دلشادکو ںنشترہسپتال دے برن یونٹ اچ منتقل کیتاگیا اے جتھاں ایکوں طبی سہولتاں ڈتیاں گئین۔جمعہ کوں مسکان کوں مکمل صحت یاب تھیونڑ تے ہسپتال توں فارغ کرڈتاگیااے۔بالڑی آپدے والدین دے نال واپس احمد پورشرقیہ روانہ تھی گئی اے۔ڈاکٹرموئجب صحت یاب تھیونڑ آلی بالڑی دا بت 14فیصدبھاءنال متاثرتھیا اے جیندی وجہ توںاو جلدی صحت یاب تھی گئی اے۔
