ملتان۔30 جون (اے پی پی )سانحہ احمد پورشرقیہ اچ متاثربئے ترائے بندے نشترہسپتال دے برن یونٹ اچ دم تروڑگئین۔ریسکیو 1122ذرائع موئجب سانحہ احمد پورشرقیہ اچ متاثرتھیونڑ آلے زیرعلاج بئے ترائے بندے 24سال دا محمد شہزادولد عتیق حسین،7سال دا آصف ولد فیاض اتے 19سالہ راشد ولد کریم بخش جمعہ دی سویل برن یونٹ اچ دم تروڑگئین۔نشترہسپتال دے برن یونٹ اچ دم تروڑن آلے بندیاں دی تعداد30تھی گئی اے جڈاں جو حادثہ اچ مجموعی طورتے جاں بحق تھیونڑ آلے بندیاں دی تعداد187تھی گئی اے۔نشترہسپتال برن یونٹ اچ سانحہ احمد پورشرقیہ دے 64بندے علاج سانگے گھن آئے گئے ہن جنھاں اچوں 39بندے دم تروڑگئے ہن جڈاں جو 25بندے ہالی وی برن یونٹ اچ موجود ہن۔برن یونٹ اچ جمعہ دے ڈینھ دم تروڑآلے بندیاں دی نعشیں تدفین سانگے انھاں دے آبائی علاقہ احمد پورشرقیہ روانہ کرڈتیاں گئین۔
