بہاولپور ۔ 28 جون (اے پی پی) سانحہ احمد پور شرقیہ دے ناقابل شناخت 129بندیاں دیاں میتاںدی اجتماعی نماز جنازہ پڑھائی گئی اے‘ نماز جنازہ دے بعد میتاں دی مقامی گستان اچ تدفین کرڈتی گئی جڈاں جو قابل شناخت 28بندیاں دیاں لاشاں تدفین سانگے وارثاں دے حوالے کرڈتیاں گئین۔ نماز جنازہ اچ مملکتی وزیر انجنیئر بلیغ الرحمان‘ ارکان اسمبلی‘ کمشنر و ڈپٹی کمشنر بہاولپور سمیت وڈی تعداد اچ لوکاں شرکت کیتی۔ بہاول وکٹوریہ ہسپتال اچ موجود ناقابل شناخت 129 میتاں کوں ٹرکاں اتے ایمبولینساں دے ذریعے وی رمضان جوئیہ گھن آیاگیا۔ نماز جنازہ دے بعد ساریاں میتاں کوںوستی نظیر آباد دے گستان گھن آیا گیا اتے قبر اچ لہایا گیا،ایں موقع تے انکھ اچ ہنج ہئی۔ناقابل شناخت میتاں دی شناخت سانگے ڈی این داعمل پہلے ای مکمل کیتا ونج چکا اے، جیندے تحت ساریاں تابوتاں تے ڈی این اے ٹیسٹ نمونے دے مطابق نمبرزلائے اتے انھاں نمبراں دے تحت قبراں بنڑایاں گئیاںتاں جو رپورٹ آونڑدے بعد انھاں نمبراں نال رشتے داراں آپدے پیاراں دیاںمیتاں کوں شناخت کرسکوں۔
