سپیکر قومی اسمبلی دی سربراہی اچ چار رکنی پارلیمانی وفد کوریا اچ یورو ایشین ملکاں دے سپیکرز دی کانفرنس اچ شرکت کریسی

اسلام آباد ۔ 22 جون (اے پی پی) سپیکر قومی اسمبلی دی سربراہی اچ چار رکنی پارلیمانی وفد کوریا اچ منعقد تھیونڑ آلی یورو ایشین ملکاں دے سپیکر ز دی ڈوجھی کانفرنس اچ شرکت کریسی ۔ چار رکنی وفد 25 جون کوں سئیول روانہ تھی ویسی۔ قومی اسمبلی سیکریٹریٹ دے مطابق یورو ایشین ملکاں دے سپیکر دی ڈوجھی میٹنگ 26توں 28جون تئیں سئیول اچ منعقد تھیسی۔وفد اچ سپیکر قومی اسمبلی ایاز صادق دے علاوہ ارکان قومیاسمبلی قومی اسمبلی عبدالغفار ڈوگر، قیصر احمد شیخ اتے چوہدری عابد رضا شامل ہوسن ۔ وفد جنوبی کوریا اچ اپنڑے قیام دے دوران ایشیاتے یورپی ملکاں توں آئے ہوئے اپنڑے منصباں نال وی ملاقات کریسن جیں اچ پاکستان تے بئے ملکاں دی پارلیمنٹ وچال رابطے کوں ودھارا ڈیونڑسمیت اہم علاقائی تے عالمی ایشوز تے تبادلہ خیال کیتا ویسی ۔