اسلام آباد ۔ 24 جون (اے پی پی) پاک چین اقتصادی راہداری (سی پیک) دے تحت صنعتی تے تیکنیکی تعاون دے کئی منصوبیاں تے کم جاری اے۔سی پیک دے تحت پاکستان اچ 55ارب ڈالر توں ودھ مالیت دی سرمایہ کاری کیتی ویندی پئی اے جنھاں اچ سڑکاِں،بنیادی ڈھانچے اتے توانائی دے منصوبے شامل ان تاں جو اوندے نال نال صنعتی تے تیکنیکی تعاون دے کئی منصوبیاں تے وی کم تھیندا پیا اے۔انھاں منصوبیاں اچ ہائیر اینڈ روبا اقتصادی زون فیزٹو،راولپنڈی توں خنجراب تئیں آپٹیکل فائبرکیل،ڈی ٹی ایم بی ڈیمانسٹریشن پراجیکٹ،لاہور اتے اورنج لائن میٹرو ٹرین،اتے پاکستان اچ ٹی ڈی اتے ایل ٹی ای دے کمرشلائزیشن دے منصوبے شامل ان۔ ہائیر اینڈ روبا اقتصادی زون دا ٹھیکہ ہائیر الیکٹریکل ایپلی کیشنز کارپوریشن (لیمیٹڈ) کوں ملااے۔ایں منصوبہ دے تحت مانگا منڈی اچ 1.03مربع کلومیٹر دے علاقے اچ اقتصادی زون بنڑایا ویندا پیا اے جیندے تے تکھے نال کم جاری اے ۔چینی فرم ہائیر اتے پاکستانی فرم روبا آندے پنج سالاں اچ اتھاں 250ملین ڈالردی سرمایہ کاری کریسن ایں منصوبہ دے تحت چینی ماہرین پاکستانی ہنرمنداں کوں صنعتی ٹیکنالوجی دے شعبے اچ معاونت ڈیسن۔ڈی ٹی ایم بی ڈیمانسٹریشن پراجیکٹ دے تحت ڈیجیٹل ٹیریسٹرئیل ملٹی میڈیا براڈکاسٹ کوں ودھارا ڈتا ویسی، ای منصوبہ سانگے ڈوہیں ملکاں مفاہمت دی دستاویز تے دستخط کرڈتن جیندے اتے ڈو ملین ڈالر دی لاگت آسی۔
