صدر مملکت ممنون حسین دی سعودی فرما ںرواءاتے خادم الحرمین الشریفین شاہ سلمان بن عبدالعزیز نال ملاقات

جدہ ۔ 18 جون (اے پی پی) صدر مملکت ممنون حسین مکہ دے الصفاءمحل اچ سعودی عرب دے فرمان رواءاتے خادم الحرمین الشریفین شاہ سلمان بن عبدالعزیز نال ملاقات کیتی۔ شاہ سلمان بن عبدالعزیز صدر مملکت اتے انہاں دے وفد دے اعزاز اچ افطاری دا اہمتام کیتا ہئی ۔ ایں موقعے تے ڈوہائیں اگوانڑکجھ دیر تئیں نال ریہے اتے آپسی دلچسپی دے امور اُتے گالھ مہاڑ کیتی ۔ صدر مملکت آکھیا جو پاکستان اتے سعودی عرب وچال بھرپی دے تعلقات قائم ہن اتے سارے پاکستانیاں دے دل اچ سعودی عرب کیتے خصوصی جاہ ہے ۔ صدر مملکت حرمین شریفین دی زیارت کیتے آونڑآلے معتمرین اتے عازمین حج کوں سہولتاں ڈیونڑ اُتے شاہ سلمان بن عبدالعزیز دی فراخدلی اتے کوششاں دی تعریف کیتی ۔بعداچ صدر مملکت اتے انہاں دے وفد دے رکناں کمرشل پرواز دے ذریعے سعودی عرب توں وطن واپسی کیتے روانہ تھی گئے ۔ گورنر جدہ شہزادہ مشال بن ماجد بن عبدالعزیز، جدہ دے مئیر ڈاکٹر ہانی بن محمد ابو رئیس اتے بئے سعودی حکام صدر مملکت اتے انہاں دے وفد کوں شاہ عبدالعزیز ہوائی اڈے توں روانہ کیتا۔