اسلام آباد ۔ 22 جون (اے پی پی) الیکشن کمیشن آف پاکستان ولوںآونڑ آلے ضمنی انتخابات اچ آزمائشی بنیاداں تے بائیومیٹرک مشیناں دی تنصیب دا امکان ہے۔الیکشن کمیشن دے ہک اہلکار ڈسایا جو ایں ضمنا چ مشیناں دی خریداری عمل اچ لاتی ونج چکی ہے جیں کوں سارے ملک اچ ضمنی انتخابات دے موقع تے آزمائشی بنیاداںتے نصب کیتا ویسی ،ملکی انتخابی تاریخ اچ پہلی واری اینویں تھیندا پیا ہے ۔انہاں آکھیا جو انتخابی فہرستاں دا پورا ڈیٹا انہاں مشیناں اچ فیڈ کیتا گیا ہے جیں نال انتخابی عمل دے دوران ناںتے بئے کوائف دی تصدیق جدید طریقہ کار دے مطابق تھی سگے جیں نال انتخابی طریقہ کار اچ شفافیت آ ویسی ۔انہاں آکھیا جو ایں ضمن اچ الیکشن کمیشن کوں نادرا توں انگوٹھے دے نشان دا انتظار ہے جیں سانگے کمیشن پہلے توں ہی نادرا کوں درخواست بھیجی ہے ۔انہاں آکھیا جو ضمنی انتخابات اچ بائیو میٹرک مشیناں دے استعمال دے پائلٹ پراجیکٹ متعلق رپورٹ پارلیمانی کمیٹی انتخابی اصلاحات کوں بھیجی ویسی۔
