عوام کوں معزز اداریں دی توہین کرنڑ آلیاں سیاسی جماعتاں کوں مستردکر ڈیسن ،حنیف عباسی

اسلام آباد ۔ 15 جون (اے پی پی) مسلم لیگ (ن) دے رہنما اتے سابق رکن قومی اسمبلی حنیف عباسی آکھیا ہے جو عوام معزز اداریں دی توہین کرنڑ آلیاں سیاسی جماعتاں کوں مسترد کر ڈیسن ۔خمیس کوں قومی خبر رساں ادارے اے پی پی نال گالھ مہاڑ کریندے ہوئیں انہاں آکھیا جو وزیرا عظم دی خصوصی ہدایت تے انہاں دے پتر سانجھی تحقیقاتی ٹیم دے سامنڑے پیش تھے ۔وزیراعظم ہمیشہ اداریں دا احترام کیتا ہے ۔انہاں آکھیا جو ججاں دی بحالی سانگے وزیراعظم نواز شریف دا طویل لانگ مارچ ایں گالھ دا ثبوت ہئی جو او کیں طرح عدلیہ دی بالا دستی تے قنون دی حکمرانی چاہندے ہن