مسلم لیگ(ن) دی حکومت عوام دی خدمت داکم جاری رکھیسی، سارے مسئلیاں کوں مکایا ویسی ، زیب جعفر

اسلام آباد ۔ 30 جون (اے پی پی) پاکستان مسلم لیگ(ن) دی رکن قومی اسمبلی زیب جعفر آکھے جو مسلم لیگ(ن) دی حکومت عوام دی خدمت دا کم جاری رکھےسی اتے ملک دی ترقی سانگے سارے مسئلیاں دا خاتمہ کیتا ویسی۔ پارلیمنٹ ہاﺅس دے باہر میڈیا نال گالھ مہاڑکریندے ہوئے انھاں آکھیا جو وزیراعظم محمد نواز شریف دی قیادت اچ ملک ترقی دی راہ تے ٹردا پئے اتے لوکاں کوں ساریاں حیاتی دیاں ضرورتاں ڈتیاں ویندیاں پئیاں ہن ۔ انھاں آکھے جو قوم ہمیشہ مسلم لیگ(ن) دی حکومت تے اعتماد کیتا اے۔ زیب جعفر بیا آکھیا جو حزب اختلاف جمہوریت دا اہم حصہ اے اتے حکومت ہمیشہ اپوزیشن دی مثبت تجاویز دا خیرمقدم کیتااے۔