لاہور۔20 جون (اے پی پی ) آئی سی سی چیمپئن ٹرافی کرکٹ ٹورنامنٹ اچ شاندار کارکردگی ڈکھا تے سنچری بنڑاونڑ آلے قومی ٹیم دے اوپنر فخر زمان اپنڑی کامیابی کوں کوچ دے ناں کیتا ہے ۔مردان اچ اپنڑے آبائی علاقے کاٹلنگ پجنڑ دے بعد میڈیا نال گالھ مہاڑ کریندے ہوئیں فخر زمان آکھیا جو میچ جت ونجنڑ دا کریڈٹ ٹیم مینجمنٹ کوں ویندا ہے لیکن اپنڑی کاکردگی کوں پاک بحریہ دے کوچ دے ناں کرینداں ۔انہاں پاک بحریہ دی ودری اچ انہاں دی تصویر سوشل میڈیا تے شیئر کرنڑ تے آئی ایس پی آر دا شکریہ ادا کیتا ۔انہاں آکھیا جو چیمپئن ٹرافی اچ فتح قوم سانگے عید دا تحفہ ہے ،ٹیم دی کامیابی نال قوم دے چہرے تے خوشی ڈیکھ تے میکوں وی خوشی تھی ہے جڈاں وطن واپس آونڑ تے میڈی سوچ توں ودھ میڈا استقبال کیتا گیا ۔
