اسلام آباد ۔ 6 جون (اے پی پی) وزیراعظم محمد نواز شریف دے معاون خصوصی سیاسی امور ڈاکٹر آصف کرمانی آکھیا جونہال ہاشمی سینیٹ توں استعفیٰ ڈتا ہئی انہاں کوں ایندے تے قائم رہنڑاں چاہیدا ہئی۔ نجی ٹی وی چینل نال خصوصی گالھ مہاڑ کریندے ہوئیں انہاں آکھیا جو 28مئی کوں نہال ہاشمی جیرھا بیان ڈتا او افسوسناک ہئی جیں دا اعلیٰ قیادت وختی نوٹس گھدا تے انہاں دے خلاف انضباطی کاروائی عمل اچ لیندے ہوئیں انہاں کوں شو کاز نوٹس جاری کیتا ہئی ۔انہاں آکھیا جو 31مئی کوں نہال ہاشمی سینیٹ دی نشست توں استعفیٰ ڈتا اج او منحرف تھی گے ہن ۔ایں اقدام نال نہا ل ہاشمی بہوں ہلکے پن دا مظاہر ہ کیتا ہے۔
