اسلام آباد ۔ 25 جون (اے پی پی) قومی احتساب بیورو دے چیئرمین قمر زمان چوہدری آکھے جو نیب دی کرپشن دے خاتمے دے حوالے نال شروع کیتی گئی موثر حکمت عملی دے مثبت نتائج نکلسن جیندے نال کرپشن دے خاتمے اچ مدد ملسی ۔نیب چین نال مفاہمت دی یادداشت تے دستخط کیتن جیندے تحت چین پاکستان اقتصادی راہداری منصوبے (سی پیک) دے منصوبیاں اچ شفافیت کوں یقینی بنڑایا ویسی۔ انھاں آکھیا جو ملک توں بدعنوانی دے خاتمہ سانگے نیب قومی فرض دی ادائیگی دے تحت عدم رعایت دی پالیسی اختیارکیتی اے ۔ انھاں آکھیا جو موجودہ انتظامیہ دے دور اچ نیب بدعنوان اشخاص دے خلاف متعلقہ عدالتاں اچ بدعنوانی دے 100 توں ودھ ریفرنسز فائل کیتن جڈاں جو پچھلے ترائے سال دے دوران نیب 45ارب روپے قومی خزانے اچ جمع کرائن جیڑھے نیب دی ہک تریخی کامیابی اے
