سپریم کورٹ جوڈیشل اکیڈمی اچ ایمبولینس سڈ تے حسین نواز دے خاندان اتے مسلم لیگ (ن) دے چاہنڑ آلیں کوں پریشان کرنڑ جے آئی ٹی دے انٹیروگیشن روم دی تصویر ریلیز کرنڑ دے معاملے دا نوٹس گھنے
اسلام آباد ۔ 08 جون (اے پی پی) مسلم لیگ (ن) دے رہنما اتے وزیراعظم دے معاون خصوصی سیاسی امور ڈاکٹر آصف کرمانی آکھیا جو سپریم کورٹ کوں جوڈیشل اکیڈمی اچ ایمبولینس سڈ تے حسین نواز دے خاندان اتے مسلم لیگ (ن) دے چاہنڑ آلیں کوں پریشان کرنڑ تے جے آئی ٹی انٹیرو گیشن روم دی تصویر ریلیز کرںڑ دے معاملے دا نوٹس گھنے ۔خمیس کوں جوڈیشل اکیڈ می دے باہروں میڈیا نال گالھ مہاڑ کریندے ہوئیں انہاں آکھیا جو جی آئی ٹی دے کجھ ممبراں دے حوالے نال تحفظات سپریم کورٹ دے نوٹس اچ گھن آیوں ایندے باوجود حسین نواز تے حسن نواز کوں سپریم کورٹ دے حکم تے جے آئی ٹی سڈیا ہے تے او آئین تے قنون دی پاسداری اچ جے آئی ٹی دے سامنڑے پیش تھے ہن تے تھیندے رہسن ۔انہاں آکھیا جو اساں ایں سارے عمل دے دوران پیش آونڑ آلے واقعات کوں میڈیا تے عوام نال شیئر کرنڑ ضروری سمجھدوں ۔انہاں آکھیا جو ساڈے ہتھ صاف ہن اساں اللہ سئیں دے رحم و کرم تے یقین رکھیندوں تے اللہ سئیں اساڈی مدد کریندا پیا ہے تے مدد کریندا رہسی ۔
