لاہور۔ 5 جون (اے پی پی) وزیراعظم محمد نوازشریف آکھیا جو اساں کڈاہیں کوڑ دی سیاست کیتی اے اتے نہ کریسوں،جیڑھا کجھ وی آکھیا اوں تے خلوص نیت نال عمل کیتا،مخالفین دا ایجنڈا نہ جانڑے کیا اے،ترقی دا سفر جاری رہسی،مسلم لیگ ن دے کارکن اساڈا قیمتی اثاثہ ہن ۔اے اثاثہ جئیں کنے ہووے او ناکام نی تھیندا،کارکناں کوں پاکستان دا مفاد عزیز اے۔انہاں اے گالھیں سنوار کوں اتھاں اندرون شہر پارٹی کارکناں نال خطاب کریندیں ہوئیں آکھی۔وزیراعظم توانائی دی گھٹکی دور رکنڑ سانگے اجوکی حکومت ولوں کیتے ونجنڑ آلے اقدامات دا ذکر کریندیں ہوئیں آکھیا جو بجلی دے منصوبے ہک ہک کر تے پورے تھیندے پئین ،گزریل ڈینھ بجلی دی پیداوار 19ہزار میگاواٹ ریکارڈ تھئی جڈانجو ہزاراں میگاواٹ بجلی ایں سال اتے آندے سال دے چھیکڑ تئیں نظام اچ رل ویسی۔انہاں آکھیا جو بنیادی ڈھانچے تے خصوصی توجہ بارے آکھیا جو اورنج لائن میٹرو بس سروس غریباں دی بہترین خدمت اے،مخالفین دا ایجنڈا نہ جانڑے کیا اے،ترقی دا سفر جاری رہسی۔انہاں آکھیا جو پاکستان اچ امن و امان دی صورتحال بہتر تھی اے جڈانجو اقتصادی شماریاں اچ بہتری تھئی اے۔
