وزیر اعظم دی زخمیاں کوں علاج معالجے دیاں چنگیاں سہولتاں ڈیونڑ دی ہدایت
تساں کوں آپدے اچ ڈیکھ تے بہوں ترسلی تھئی اے ‘احمد پورشرقیہ حادثہ دے زخمیاں دی وزیراعظم نوازشریف نال گالھ مہاڑ
بہاولپور۔28 جون (اے پی پی )وزیراعظم محمد نوازشریف عید دے ڈینھ بہاولپور دے دورہ دے موقع تے بہاول وکٹوریہ ہسپتال اچ آئل ٹینکرحادثے دے زخمیاں دی عیادت کیتی اتے انھاں دی خیریت دریافت کیتی۔زخمیاں وزیراعظم کوں آپدے وچال ڈیکھ تے اطمینان داظہارکیتااتے وزیراعظم نوازشریف کوںمخاطب تھی تے آکھیا اساکوں ترسلی تھئی اے جیڑھلے وزیراعظم انھاں دے علاج معالجے دیاں سہولتاں بارے پچھیا تاں انھاں طبی سہولتاں اتے عملے دی تعریف کیتی اتے آکھیا جوڈاکٹرز اتے ڈوجھا عملہ ہاساڈی بہوں چنگے طریقے نال ڈیکھ بھال کریندے پئین۔وزیراعظم محمد نوازشریف ایں سانحہ تے افسوس دا اظہارکیتا اتے ہسپتال انتظامیہ کوں ہدایت کیتی جو زخمیاںدے علاج سانگے سارے وسائل کم اچ گھن آئے ونجن ۔ایں موقع تے وزیراعظم زخمیوں اچ امدادی رقماںدے چیک وی ونڈئےے۔واضح رہوے جوآڈت دے ڈینھ احمد پورشرقیہ دے نیڑھے آئل ٹینکردے سانحے اچ بہوں عظیم زیان تھئے۔
