آستانہ ۔ 08 جون (اے پی پی) وزیراعظم محمد نواز شریف شنگھائی تعاون تنظیم ( ایس سی او) دی سٹیٹ کونسل دے سربراہان دے 17 ویں ڈو ڈینھ اجلاس اچ شرکت سانگے خمیس کوںاتھاں پج گن۔قزاخستان دے نائب وزیرخارجہ عاقل بیگ کمال دینوف اتے بئے اعلیٰ حکام وزیراعظم داپرتپاک خیرمقدم کیتا۔دورے دے دوران وزیراعظم دے مشیر خارجہ امور سرتاج عزیز ،وزیر تجارت خرم دستگیر اتے وزیر مملکت پٹرولیم جام کمال انہاں دے نال ہن۔ ایس سی او سربراہ اجلاس دے موقع تے وزیر اعظم محمد نواز شریف اجلاس اچ شرکت سانگے آئے عالمی رہنماواں نال وی ملاقات کریسن
