وزیر اعظم محمد نواز شریف اتے افغان صدر وچال ملاقات دا اعلامیہ

اسلام آباد ۔ 10 جون (اے پی پی) وزیر اعظم نواز شریف آکھے جو پاکستان افغانستان اچ امن تے استحکام سانگے پر عزم ہن ،37سال توں لکھاں افغان مہاجراں دی میزبانی اتے افغانستان دی اقتصادی ترقی تے امن و استحکام کیتے پاکستان دیاں کوششاں اساڈے عزم کوں ظاہرکریندے ہن ۔چھنڑ چھنڑ کوں دفتر خارجہ ولوں قزاخستان دے دارلحکومت آستانہ اچ ایس سی او سربراہ اجلاس دے موقعے تے وزیر اعظم نوازشریف اتے افغان صدر وچال ملاقات دا اعلامیہ جاری کیتا گیا۔ ترجمان دے مطابق وزیر اعظم نواز شریف کابل اچ اجوکے دہشت گرد حملے دی مذمت کیتی اتے آکھیا جو پاکستان افغانستان امن و استحکام کیتے عزم ہن ۔ انہاں آکھیا جو دہشت گردی پاکستان اتے افغانستان کیتے ہک سانجھا خطرہ ہے ، جڈانجو اساڈیاں فوجاں بہادری نال دہشت گردی دا مقابلہ کریندیاں پن ۔ ڈوہائیں اگوانڑاں چار فریقی گروپ دے زریعے افغانستان اچ امن اتے مصالحت کوں فروغ ڈیونڑ اتے دہشت گردگروپاں دے خلاف کارروائی کیتے صلاح نال طریقہ کار اختیار کرنڑ اُتے اتفاق کیتے ۔