اسلام آباد ۔ 15 جون (اے پی پی) وزیر اعظم محمد نواز شریف پانامہ کیس دی تحقیقات سانگے سپریم کورٹ دی ہدایت تے بنڑائی گی تحقیقاتی ٹیم دے سامنڑے پیش تھیونڑ سانگے جوڈیشل اکیڈمی پجے تاںوزیراعلیٰ پنجاب شہباز شریف تے وزیراعظم دے صاحبزادے حسین نواز وی انہاں دے نال ہن ۔وزیراعظم اکیڈ می پجے تاں اتھاں اظہار یکجہتی سانگے جمع تھیونڑ آلے پارٹی دے کارکناں کوں ڈیکھ تے ہتھ ہلایا ۔وزیراعظم دے ڈو صاحبزادے پہلے ہی جے آئی ٹی دے سامنڑے اپنڑے بیان ریکارڈ کروا چکے ہن ۔جوڈیشل اکیڈمی آمد تے مسلم لیگ ن دے کارکناں دی وڈی تعداد موجود ہئی ۔جوڈیشل اکیڈمی دے آسے پارے سیکورٹی دے سخت انتظامات کیتے گے ہن ۔
