اسلام آباد ۔ 09 جون (اے پی پی) مسلم لیگ(ن) دے رہنما اتے وزیر اعظم دے معاون خصوصی سیاسی امور ڈاکٹر آصف کرامانی جوڈیشل کمیشن دے باہروں میڈیا نال گالھ مہاڑ کریندے ہوئیں آکھیا ہے جو وزیراعظم کابینہ توں منظور کروا تے جے آئی ٹی کمیشن کوں سارے اختیارات ڈیوائے ہن جیرھا جو نیب کوں حاصل ہن تے جے آئی ٹی کمیشن ایں ضمن اچ غیر ملک توں ودی معاونت گھننڑ دی مجاز ہے ۔انہاں آکھیا جو وزیراعظم نواز شریف جے آئی ٹی کمیشن کوں اختیارات ڈے تے اینکوں مضبوط بنڑایا ،ن لیگ اپنڑے سارے تحفظات دے باوجود جے آئی ٹی نال بھر پور تعاون کریندی پئی ہے ،انہاں آکھیا جو وزیراعظم نواز شریفے دے صاحبزادے حسن نوا ز تے حسین نواز باہرلے ملک اچ رہندے ہن تے انہاں کوں استثنیٰ رکھنڑ دے باوجود عام شہریاں وانگوں احتساب ڈیندے پے ہن تے آئندہ وی تعاون کریندے رہسن ۔
