اسلام آباد ۔ 14 جون (اے پی پی) وزیرِ داخلہ چوہدری نثار علی خان توں ڈی جی اینٹی نارکاٹیکس فورس میجر جنرل مسرت نواز ملک ٹیلیفون تے رابطہ کرتے انہاں پی آئی اے دے مسافر طیارے توں منشیات دی برآمدگی توں متعلق کیس دی تحقیقات اچ اہم پیش رفت بارے ڈسایا ۔ وزارت داخلہ ولوں جاری بیان دے مطابق انہاں آکھیا وزیر داخلہ کوں ڈسایاجو طیارہ منشیات کیس اچ ہنڑ تئیں کیتی ونجنڑ آلی تحقیقات اچ اہم کامیابی حاصل تھی ہے جس دے نتیجے اچ چند گرفتاریاں عمل اچ لاتیاں گیاں ہن ۔ ایں ضمن اچ آندے کجھ ڈینھ اچ مزید پیش رفت متوقع ہے۔ وزیر داخلہ آکھیا جو قومی ائیر لائن دے ذریعے منشیات سمگلنگ دی کوشش نال نہ صرف ہک سنگین جرم د اارتکا ب ہے بلکہ ملکی وقار اتے نیک نامی کو ٹھیس پجاونڑ دی کوشش کیتی گی ہے ۔ایں وقعے اچ ملوث کہیں وی رعایت دے مستحق کائنی ۔انہاں ہدایت کیتی جو معاملے دی تحقیقات کوں وختی توں وختی انجام تئیں پجایا ونجے ۔وزیر داخلہ طیارہ منشیات کیس دی تحقیقات دے سلسلے اچ اے این ایف دے کردار تے پیشہ ورانہ صلاحیتاں کوں سراہیا ۔
