اسلام آباد۔ 16 جون (اے پی پی) وزیر مملکت برائے اطلاعات‘ نشریات و قومی ورثہ مریم اورنگزیب آکھیا جو فلم دے جدید تخلیقی ذریعہ کوں آپنڑی ثقافت ،ورثہ،رواےت اتے سکرین ٹوورازم دی ترویج سانگے استعمال کرنڑ ویلھے دی اہم لوڑھ اے،وزیراعظم پیکج دے تحت نیشنل فلم اینڈ براڈ کاسٹنگ کمیشن اتے نیشنل فلم انسٹیٹیوٹ اتے اکیڈمی دا قیام ‘سٹوڈیوزکوں جدت نال ہم آہنگ آلات نال مزین کیتا ویسی،براڈ کاسٹنگ انڈسٹری دی معاونت سانگے پرائم منسٹر فلم فنانس فنڈ اتے فنکاراں دی بہبود سانگے آرٹسٹ ویلفیئر فنڈ قائم کیتا ویسی،غیر ملکی فلم سازاں سانگے وی ساری سہولتاں ڈتیاں ویسین۔او جمعہ کوں ترجمان حکومت پنجاب ملک محمد احمد نال ملاقات اچ گالھ مہاڑ کریندی پئی ہن ۔ملاقات اچ فلم ، پروڈکشن، براڈکاسٹنگ پالیسی اتے فلمی صنعت دی بحالی بارے وزیراعظم محمد نواز شریف دی ہداےت اتے اعلان کردہ پیکیج تے گالھ مہاڑ کیتی گئی۔ملاقات اچ انہاں آکھیا جو جو فلم دے جدید تخلیقی ذریعہ کوں آپنڑی ثقافت ،ورثہ،رواےت اتے سکرین ٹوورازم دی ترویج سانگے استعمال کرنڑ ویلھے دی اہم لوڑھ اے۔انہاں آکھیا جو قوم دے ذہناں توں مایوسی مکاونڑ اساڈی حکومت دی پہلی ترجیح اے۔
