اسلام آباد ۔ 23 جون (اے پی پی) وزیر مملکت برائے اطلاعات، نشریات و قومی ورثہ مریم اورنگزیب کوئٹہ دھماکے دی شدید مذمت کریندے ہوئیں آکھے جو ایں طرح دیاں عوام دشمن اتے گھناﺅنی کارروائیاں دہشت گردی دے خلاف پاکستانی قوم دے عزم تے ہمت کوں کمزور نہیں کرسگدیاں ۔ جمعے کوں آپ دے ہک بیان اچ وزیر مملکت برائے اطلاعات آکھے جو دہشت گردی دے خلاف ساری قوم ہک مٹھ ہے ۔ انہاں آکھے جو پاکستان دے استحکام اتے ترقی نال سڑنڑ آلے آپ دے مذموم ایجنڈے اچ ناکام تھیسن ۔ مریم اورنگزیب آکھیا جو قوم کوں آپنڑیں شہیداں اُتے ناز ہے ، اساڈے سبھائیں کیتے او آپ دا ج قربان کریندے پئے ہن ۔ انہاں آکھیا جو دھماکے اچ شہید تھیونڑآلیاں افراد دے لواحقین نال دلی ہمدردی تے تعزیت دا اظہار کیتا اتے دھماکے اچ زخمی تھیونڑآلیاں دی تکھے صحت یابی سانگے دعا منگی ۔
