وزیر مملکت داخلہ انجینئر بلیغ الرحمان دا ایوان بالا اچ جواب

اسلام آباد ۔ 02جون(اے پی پی) وزیر مملکت داخلہ انجینئر بلیغ الرحمان آکھیا ہے جو گلگت اچ غیر ملکی سیاحواں دے داخلے سانگے این او سی گھننڑ دی شرط ختم کر ڈتی گی ہے ،سیاحتی ویزے تے آونڑ آلیں تے ایجھی کوئی وی پابندی کائنی ،گلگت دی حکومت سیاحواں دی سیکورٹی سانگے مناسب اقدامات کریسی ۔جمعے کوں ایوان بالا اچ سینیٹر کریم خواجہ دے توجہ ڈیواﺅ نوٹس دے جواب اچ وزیر مملکت بلیغ الرحمن آکھیا جو 1994توں اے پابندی ہئی تے سیکورٹی پاروں سیاحواں دی آمد و رفت کہیں وی علاقے اچ محدود کیتی ونج سگدی ہے تاں جو غیر ملکی سیاحواں دے گلگت بلتستان اچ داخلے سانگے این او سی گھننڑ دی شرط ہی او ختم کر ڈتی گی ہے ۔