تعلیمی اداریں دے تقدس تے کوئی سمجھوتہ کائنی تھی سگدا ،قائداعظم یونیورسٹی اچ تصادم دے بعد 7 طالب علماں کوں فارغ کر ڈتا گیا
اسلام آباد ۔ 7 جون (اے پی پی) وزیر مملکت وفاقی تعلیم و پیشہ ورانہ تربیت انجینئر بلیغ الرحمان آکھیا ہے جو قائداعظم یونیورسٹی طالب علماں اچ دو گروپاں وچال تصادم دے بعد ست طالب علماں کوں یونیورسٹی توں فارغ کر ڈتا گیا ،تعلیمی اداریں دے تقدس تے کوئی وی سمجھوتہ کائنی تھی سگدا ۔بدھ کوں ایوان بالا اچ سینیٹر سسی پلیجو تے سینیٹر میر کبیر دے توجہ ڈیواﺅ نوٹس دے جواب اچ انہاں آکھیا جو تعلیمی اداریں دا تقدس برقرار رکھنڑ بہوں ضروری ہے ۔ قائداعظم یونیورسٹی اچ پچھلے ڈینہاں بہوں افسوس ناک واقعہ پیش آیا جیں اچ سندھ نال تعلق رکھنڑ آلے طالب علماں دی تنظیم مہران کونسل تے بلوچستان نال تعلق رکھنڑ آلے طالب علماں دی تنظیم بلوچ کونسل وچال جیڑھا تھیا تے بہوں سارے طالب علماں کوں ماریا کٹیا گیا ایں طرح دے واقعات کہیں وی تعلیمی ادارے سانگے چنگے کائنی ۔
