اسلام آباد ۔ 14 جون (اے پی پی) وفاقی وزیر تجارت انجینئر خرم دستیگر خان نال ایشیئن ڈویلپمنٹ بینک دے وفد ’ سینئر ایڈوائزر وارنر لیپخ دی قیادت اچ ملاقات کیتی۔بدھ کوں تھیونڑ آلی ملاقات اچ وفاقی وزیرآکھیا جو ٹیکس ریفنڈز دی تقسیم اتے برآمدات ودھاونڑ سانگے وزیراعظم دے پیکج دے تحت فنڈز دی ادائیگی پہلی ترجیح اے۔انہاں اے ڈی بی دے وفد دے سربراہ وارنر کوں ڈسایا جو وزارت تجارت سٹرٹیجک ٹریڈ پالیسی فریم ورک تے نظرثانی کریندی پئی اے اتے جلدی جیوگرافیکل انڈیکیشن دے قنون کوں متعارف کرویسی جئیں نال مصنوعات دی علاقائی شناخت تھی سگسی۔انہاں آکھیا جو وزارت تجارت جلدی پاکستان دے بین الاقوامی برانڈ دی مارکیٹنگ سانگے مہم شروع کریسی۔
