اسلام آباد۔ 8جون (اے پی پی) وفاقی وزیر خزانہ اسحاق ڈار آکھیا جو آندے مالی سال سانگے جی ڈی پی دی شرح نمو دا6فیصد دا ہدف حقیقت پسندانہ اے،اے حاصل کرنڑ سانگے پر امید ہیسے،حکومت تے ودھ قرضہ گھنڑ دا تاثر درست کائنی،ترقیاتی بجٹ 300ارب روپے توں ودھا کراہیں 1001روپے کر ڈتا گئے ،چار سالیں اچ ٹیکس وصولی اچ 80فیصد ودھارا تھےے،ملک اچ غربت ا چ گھٹکی تھئی اے،ٹیکس دا دائرہ کار ودھاونڑ،ٹیکس چوری روکنڑ اتے سسٹم کوں بہتر بنڑاونڑ سانگے اقدامات کریسوں۔جتنی وی تھی سگے سینیٹ توں ملنڑ آلی سفارشاں کوں مالیاتی بل دا حصہ بنڑیسوں۔خمیس کوں ایوان بالا اچ بجٹ 2017-18ءتے بحث نبڑیندیں ہوئیں گالھ مہاڑ کریندیں ہوئیں انہاں آکھیا جو 2015-16ءدے بجٹ اچ سینیٹ دی 40سفارشات شامل کیتی گئین ۔2016-17ءاچ 80سفارشات منظور کیتی گئین ۔انہاں آکھیا جو جتنا وی ممکن تھی سگیا سفارشات آندے مالی سال دے بجٹ اچ وی شامل کیتی ویسن۔
