اسلام آباد ۔ 6 جون (اے پی پی) وفاقی وزیر موسمیاتی تبدیلی زاہد حامد آکھیا جو پاکستان موسمیاتی تبدیلی توں متعلق مسلیں بارے اقوام متحدہ دے ترقیاتی پروگرام (یو این ڈی پی) دے نال تعاون جاری رکھیسی ۔او منگل کوں اتھاں اقوام متحدہ دے ترقیاتی پروگرام دے پاکستان اچ نمائندے نیل بہنی نال ملاقات اچ اظہار خیال کریندے پے ہن ۔انہاں آکھیا جو پاکستان بہوں وختی اپنڑے محفوظ سمندری علاقیں دا اعلان کریسی ایں حوالے نال یو این ڈی پی وزارت موسمیاتی تبدیلی کوں رہنمائی تے مہارت دی صورت حال اچ تعاون کر سگد ا ہے ایں موقع تے نیل بہنی پاکستان اچ کلائمیٹ چینج ایکٹ متعارف کراونڑ کوں چنگاں اکھیندے ہوئیں آکھیا جو قنون سازی دے بعد پاکستان انہاں کجھ ملکاں اچ شامل تھی گیا ہے جنہاں پیرس ایگریمنٹ دی یقین دہانیاں دے تحت اقدامات کیتے ہن ۔
