آستانہ ۔ 9 جون (اے پی پی) پاکستان جمعہ کوں شنگھائی تعاون تنظیم (ایس سی او) دی سربراہان مملکت کونسل دے 17 ویں اجلاس دے موقع تے شنگھائی تعاون تنظیم دا باضابطہ مکمل رکن بنڑ گئے ۔ قازقستان دے صدر نور سلطان نذر بائیوف ’ ایس سی او سربراہ اجلاس وچال آپنڑے افتتاحی خطاب اچ تنظیم دے مکمل رکن دی حیثےت نال پاکستان دا خیر مقدم کیتا۔وزیراعظم محمدنواز شریف آپنڑے وفد دے رلے اجلاس اچ شریک تھےے۔ وزیراعظم دے مشیر برائے خارجہ امور سرتاج عزیز، وزیر تجارت خرم دستگیر اتے وزیر مملکت پٹرولیم جام کمال وی انہاں دے رلے ہن ۔ایں توں پہلے باضابطہ استققبالیہ تقریب تھئی جئیں اچ قازقستان دے صدر وزیراعظم محمد نواز شریف دا پرتپاک خیر مقدم کیتا۔دریں اثناءوزیراعظم محمد نواز شریف اجلاس نال خطاب کریندیں ہوئیں آکھیا جو پاکستان اتے ایس سی او دے ارکان سانگے اے ہک تریخی ڈینھ اے۔وزیراعظم تنظیم دا رکن بنڑنڑ تے پاکستان دی بھرپور حماےت کرنڑ تے چین،روس سمیت بانی ارکان اتے بنہاں دا شکریہ ادا کیتا۔
