پاکستان ریلویز دیاں ساریاں مسافر بوکھیاں کوں آندے ڈوسالیں اچ اپ گریڈ کرڈتا ویسی

لاہور۔17 جون (اے پی پی )وزیر ریلویز خواجہ سعد رفیق آکھیا جو پاکستان ریلویز دی ساریاں مسافر بوگھیاں آندے ڈوسالیں اچ اپ گریڈ کرڈتا ویسی ، شالیمار ایکسپریس ، جعفرایکسپریس اتے پاکستان ایکسپریس دے بعدہنڑ ساریاں ریل گاڈیاں کوں ہنڑ نواں بنڑا ڈتا ویسی ۔ عوام ایکسپریس دی اپ گریڈیشن دا کم شروع کرڈتاگئے جڈانجو قراقرم ، کراچی اتے بزنس ایکسپریس کوں پہلے ہی اضافی سہولتاں نال مزین کیتا گئے ۔ ریلوے ہیڈکوارٹرز اچ اعلیٰ سطح دے ہک اجلاس نال خطاب کریندے ہوئیں خواجہ سعد رفیق مسافر بوگھیاں دی اپ گریڈیشن دے کام دی رفتار اُتے اطمینان دا اظہار کیتا۔ وزیر ریلویز آکھیا جو ریل گاڈیاں دی اپ گریڈیشن ہنڑ اساڈے طے کردہ نویں معیار دے مطابق ہوسی ۔ پاکستان ریلویز مسافراں کو ں ریل گاڈیاں اچ موبائل چارجنگ سمیت بہوں ساریاں نویاں سہولتاں ڈیندا پئے ۔ خواجہ سعد رفیق آکھیاجو ریلوے دی بحالی اتے ترقی دا خواب اساڈے ہزاراں کارکناں دی لگن اتے محنت دے بغیرممکن نہیں تھی سگدا۔ انہاں ہدایت کیتی جو ریلوے ملازمین دی ری سٹرکچرنگ دے حوالے نال بنڑا ئی گئی کمیٹی آپنڑاں کم تیز کرے ۔