اسلام آباد ۔ 15 جون (اے پی پی) دفتر خارجہ دے ترجمان آکھیا ہے جو پاکستان پاک بھارت کشیدگی اچ گھٹکی سانگے روس دے صدر ولادیمیر پوٹن دی ثالثی دی پیشکش دا خیر مقدم کریندا ہے،داعش سمیت بیاں دہشت گرد تنظیماں افغانستان اچ مضبوط تھیندی پئی ہے۔ ،چین اتے پاکستان افغانستان اچ پائیدار امن سانگے کوشاں ہن،پاکستان کشمیری عوام دی سیاسی ،سفارتی اتے اخلاقی حمایت جاری رکھیسی گا،ڈرون حملیں تے پاکستان دا موقف واضح ہے۔دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ دے دوران صحافیاں دے مختلف سوالاں دا جواب ڈیندے ہوئیں انہاں آکھیا جو افغانستان دا مسئلہ صرف سیاسی مذاکرات دے ذریعے ہی حل کیتا ونج سگدا ہے ،امریکہ وی من گھدا ہے جو افغان مسئلے دا کوئی فوجی حل ممکن کائنی ۔ترجمان آکھیا جو افغانستان دا مسئلہ اندرونی ہے جیں دی وجہ توں داعش سمیت بہوں دہشت گرد تنظیماں اتھاں اپنڑے قدم پکے کریندیاں پیاں ہن ۔انہاں خطریں نال نبڑنڑ سانگے خطے دے سارے ملکاں ولوں سانجھے تعاون تے کوششاں دی ضرورت ہے ۔ہنڑے ہی وزیراعظم نواز شریف افغان صدر اشرف غنی آستانہ اچ ملاقات دے دوران پائیدا ر امن سانگے سانجھی کوشش تے اتفاق کیتا ۔
