سانجھی دلچسپی تے علاقائی سیکورٹی دے امور تے گالھ مہاڑ کیتی گی ،آئی ایس پی آر
راولپنڈی ۔ 5 جون (اے پی پی)پاک فوج دے سربراہ جنرل قمر جاویدباجوہ نال جاپان دے سفیر تاکاشی کورائی ملاقات کیتی ۔ملاقات اچ سانجھی دلچسپی دے امور تے علاقائی سیکورٹی دے امور تے گالھ مہاڑ کیتی گی ۔پاک فوج دے شعبہ تعلقات عامہ(آئی ایس پی آر) دے مطابق جی ایچ کیو راولپنڈی اچ تھیونڑ آلی ملاقات دے دوران جاپانی سفیر تاکاشی کورائی دہشت گردی دے خلاف پاک فوج اتے عوام دیاں قربانیاں کوں سراہیا ۔جاپانی سفیر ملاقات دے دوران ڈسایا جوجاپانی حکومت پاکستان دے نال ہر شعبے اچ تعاون ودھاونڑ دی خوہش رکھیندی ہے ۔آرمی چیف جنرل قمر جاوید باجوہ جاپانی سفیر داشکریہ ادا کریندے ہوئیں امید ظاہر کیتی جو جاپان خطے اچ امن تے استحکام سانگے مثبت کردار ادا کریسی ۔
