پاک فوج دے سربراہ جنرل قمر جاوید باجوہ دا نشتر ہسپتال ملتان دا دورہ،احمد پور شرقیہ حادثہ دے زخمیاںدی عیادت کیتی،نشتر میڈیکل یونیورسٹی دے وائس چانسلر اتے نشتر ہسپتال دے برن سینٹر دے انچارج زخمیاں دے علاج معالجہ بارے آگاہ کیتا،آرمی چیف سول انتظامیہ کوں پاک فو ج ولوں بھرپور تعاون دا یقین ڈیوایا

ملتان ۔ 28 جون (اے پی پی) پاک فوج دے سربراہ جنرل قمر جاوید باجوہ سنوار کوں نشتر ہسپتال ملتان اچ احمد پور شرقیہ حادثہ دے زخمیاںدکی عیادت کیتی۔ پاک فوج دے محکمہ تعلقات عامہ (آئی ایس پی آر) موئجب جنرل قمر جاوید باجوہ کوں نشتر میڈیکل یونیورسٹی دے وائس چانسلر اور نشتر ہسپتال دے برن سینٹر دے انچارج زخمیاں دے علاج معالجہ بارے آگاہ کیتا۔ پاک فوج دے سربراہ جنرل قمر جاوید باجوہ افسوسناک واقعہ دے بعد سول انتظامیہ، موٹروے پنجاب پولیس، علاقہ دی عوام اتے ہسپتال دے عملہ دا فوری ردعمل اتے کوششاں دی تعریف کیتی انھاں آکھیا جو بحران توں نبڑنڑ سانجھی قومی ذمے واری اے اتے پاک فوج سول انتظامیہ دی معاونت کیتے آپدی ذمے واری نبھیندی اے۔