اسلام آباد ۔ 02جون(اے پی پی) سینٹ کو ں ڈسایا گیا جو قومی اسمبلی ایوان بالا توں بھجوائے ونجنڑ آلے 6 بل کہیں ترمیم دے بغیر منظور کرگھدے ہن۔ جمعہ کوں ایوان بالا دے اجلاس دے دوران سیکرٹری سینٹ ایوان کوں ڈسایا جو منظوری کیتے ونجنڑ آلے بلاں اچ پراونشل موٹر وہیکل (ترمیمی) بل 2017ئ‘ گواہاں دے تحفظ و فوائد بل 2017ء‘ حصول زمین (ترمیمی) بل 2017ء‘ انسداد دہشتگردی (ترمیمی) بل 2017ئ‘ عوامی نمائندگی بل 2017ءتے سینٹ سیکرٹریٹ سروسز بل 2017ءشامل ہن جڈاں جوکارپوریٹ بحالی بل‘ لاءریفارمز (ترمیمی) بل 2016ئ‘ انسداد دہشتگردی (ترمیمی) بل 2016ءاتے پانامہ پیپرز انکوائری بل 2017ءقومی اسمبلی منظوری کائنی کیتے جڈاں جو ہک بل ترمیم دے نال منظورکیتا گیا ۔ چیئرمین سینٹ سینٹ توں بھجوائے ونجنڑ آلے بلاں دی منظوری تے ایوان کوں مبارخ ڈٹی تے آکھیا جو ایں سلسلے اچ سینٹ سیکرٹریٹ سروسز بل 2017ءاتے گواہاں دے تحفظ دے بل دی منظوری بہوں اہمیت دی حامل ہے جیں تے سارے رکناں تے محرکین مبارخ دے مستحق ہن ۔
