اسلام آباد ۔ 7 جون (اے پی پی) چیئرمین سینیٹ میاں رضا ربانی مسلم لیگ (ن) دے سینیٹر نہال ہاشمی دی ایوان بالا دی رکنیت توں استعفیٰ واپس گھننڑ متعلق درخواست منظور کرگھدی۔ بدھ کوں ایوان بالا دے اجلاس اچ رولنگ ڈیندے ہوئیں چیئرمین سینیٹ میاں رضا ربانی آکھیا جو نہال ہاشمی 31 مئی کو ںتحریری طور تے ایوان بالا دی رکنیت توں استعفیٰ ڈتا ہئی۔ جڈاں انہاں دے علم اچ سینیٹ سیکریٹریٹ ولوں اے معاملہ لاتا گیا تاں انہاں 5جون سانگے نہال ہاشمی کوں ذاتی طور تے پیش تھیونڑ دا نوٹس جاری کرنڑ د ی ہدایت کیتی تاںجو اے پتہ لاتا ونج سگے جواو خود خود رضاکارانہ طور تے ایوان بالا دی رکنیت توں مستعفی تھیندے پن ۔ انہاں آکھیا جو بعد ااچ نہال ہاشمی ولوں تحریری طور تے اے درخواست ڈتی گی جو ایں معاملہ تے غور ملتوی کیتا ونجے ۔06جون کوں نہال ہاشمی ذاتی طور تے انہاں کوں ملیے انہاںکوں ڈسایا جو انہاں غیر معمولی حالات دے پیش نظر استعفیٰ ڈتا ایں سانگے او اپنڑاں استعفیٰ واپس گھننڑ چاہندے ہن ۔ایں موقع تے سیکرٹری سینیٹ، ایڈیشنل سیکرٹری تے جوائنٹ سیکر ٹری وی موجود ہن انہاں دے بعد 7 جون کوں سویرے 10 وجے ذاتی طور تے چیئرمین سینیٹ دے چیمبر اچ نہال ہاشمی دے پیش تھیونڑ متعلق نوٹس دی گنجائش کائنی رہی ایں سانگے نہال ہاشمی دا استعفیٰ واپس گھدا ونجنڑ تصور کیتا ویندا ہے ۔ چیئرمین سینیٹ سیکرٹری سینیٹ کوں ہدایت کیتی جو او ایں حوالے نال رولنگ بارے سینیٹ اچ قائد ایوان اتے مسلم لیگ (ن) دے پارلیمانی لیڈر کوں وی ڈساڈیون ۔
