اسلام آباد ۔ 23 جون (اے پی پی) کوئٹہ دے علاقے گلستان روڑ تے شہید چوک دے نیڑے آئی جی دفتر دے نیڑے زور دا دھماکہ تھیا جیں پاروں 11بندے جاں بھق تے بہوں سارے لوک زخمی تھی گے ہن ۔جائے حادثہ دے قریب ڈی آئی جی دا دفتر اتے گرلز تے بوائز سکول واقع ہن۔پی ٹی وی دے مطابق کوئٹہ اچ آئی جی پولیس دے دفتر دے نیڑے دھماکاتھیا ہے جیں اچ 10 بندے زخمی تھی گے ہن جنہاں کوں سول ہسپتال کوئٹہ اتے سی ایم ایچ منتقل کرڈتاگیاہے۔دھماکہ ایں زور دا ہئی جو ایندی آواز پورے شہر اچ سنڑی گی ۔ سکیورٹی فورسز دی ابتدائی تحقیقات دے مطابق دھماکہ ریموٹ کنٹرول ہا تے دھماکہ خیز مواد ہک گاڈی اچ نصب ہئی امدادی ٹیماں دے قنون نافذ کرنڑ آلے ادارے حادثہ دی جاہ تے پج تے علاقے کوں گھیرے اچ گھن تے تحقیقات شروع کرڈتیاں ہن۔
