مسلم لیگ (ن) دے رہنما محمد حنیف عباسی دی سپریم کورٹ اچ عمران خان نا اہلی کیس دی سماعت دے بعد میڈیا نال گالھ مہاڑ

اسلام آباد ۔ 13 جولائی (اے پی پی) مسلم لیگ (ن) دے رہنما محمد حنیف عباسی آکھیا ہے جوعمران خان دی ہمشیرہ علیمہ خان دے ناں تے ترائے آف شور کمپنیاں ہن جیں بارے اچ انہاں توں پچھیا ویسی، عمران خان توں انہاں دے بالاں دے آکسفورڈ دے خرچے ، ہک لاکھ 17 ہزار پاﺅنڈ دا فلیٹ کیویں گھدا گیا ، ایندی منی ٹریل سمیت ساریاں چیزاں دا حساب گھدا ویسی ۔ سپریم کورٹ اچ عمران خان دی نا اہلی کیس دی سماعت نال باہروں میڈیا نال سارے الزامات ثابت تھی گے ہن۔ انہاں آکھیا جوعمران خان سپریم کورٹ اچ وی الیکشن کمیشن آلا طریقہ اپنایا ہویا ہے جو او پیش کائنی تھیندے ،عمران خان عدالت دے سامنڑے پیش تھیون تے سارے الزامات دا جواب ڈیون ۔انہاں آکھیا جو عمران خان ڈے کجھ ڈینھ بچ گے ہن ،اساں انہاں دا چہرہ پوری قوم دے سامنڑے بے نقاب کریسوں ۔