وزیراعظم محمد نواز شریف بلوچستان دی ترقی اچ خصوصی دلچسپی گھندے پن،وفاقی وزیر ریاستاںتے سرحدی امور لیفٹیننٹ جنرل (ر) عبدالقادر بلوچ

اسلام آباد ۔ 25 جولائی (اے پی پی) وفاقی وزیر ریاستاں تے سرحدی امورلیفٹیننٹ جنرل(ر) عبدالقادربلوچ آکھیا ہے جووزیراعظم محمد نواز شریف بلوچستان دی ترقی اچ خصوصی دلچسپی گھندے پے ہن۔ریڈیو پاکستان دے پروگرام اچ اظہارخیال کریندے ہوئیں انہاں آکھیا جو پاکستان مسلم لیگ ن 2013ءدے انتخابات دی مہم اچ عوام نال جیرھے وعدے کیتے ہن انہاں تے پورا عمل در آمد کیتا گیا ہے ،موجودہ حکومت بلوچستان د ی ترقی کوں پہلی ترجیح ڈتی ہے اتے وزیراعظم صوبے دی ترقی اچ خصوصی دلچسپی گھندے پے ہن ۔انہاں آکھیا جو موجود ہ حکومت عوام دی حالت زار کوں چنگاں بنڑاونڑ سانگے توانائی ،بنیادی ڈھانچے تے ٹیلی مواصلات سمیت مختلف شعبے اچ وڈے وڈے منصوبے شروع کیتے ہن جیں اچ کجھ پورے تے کجھ تے تکھی پیش رفت جاری ے انہاں منصوبیں دی تکمیل نال ملک اچ ترقی تے خوشحالی دے ہک نویں دوردا آغاز تھی ویسی ۔انہاں آکھیا جوخارجہ تعلقات دے شعبے اچ وی خاصی پیش رفت تھی ہے تے وزیراعظم محمد نوازشریف دی قیادت اچ پاکستان کئی عالمی فورمز دا رکن بنڑیا ہے ۔