اسلام آباد ۔ 5 جولائی (اے پی پی) محکمہ موسمیات دے مطابق آندے 24گھنٹے دے دوران اتلے پنجاب، راولپنڈی، سرگودھا، فیصل آباد، گوجرانوالہ، لاہور ڈویژن، اتلے خیبرپختونخوا، مالاکنڈ، ہزارہ، پشاور، مردان، کوہاٹ ڈویژن، اسلام آباد، فاٹا، گلگت بلتستان اتے کشمیر اچ کہیں کہیں جاہ تے اندھاری تے کھمنڑ دے نال مینھ جڈاں جو ایں دوران کجھ جہیں تے موسلادھار مینھ دا امکان ہے ۔ ایندے علاوہ بہاولپور اتے ساہیوال ڈویژن اچ وی کجھ جہیں تے اندھاری اتے کھمنڑ دے نال مینھ وسنڑ دا امکان ہے ۔ملک دے بئے علاقیں اچ موسم رکھا رہ ویسی۔ رپورٹ دے مطابق گزریل 24 گھنٹے دے دوران ملک دے ودھ سارے علاقیں اچ موسم رکھا رہیا تاں جو مالاکنڈ، بنوں، کوہاٹ، ہزارہ، راولپنڈی، گوجرانوالہ ڈویژن، اسلام آباد اتے گلگت بلتستان اچ کجھ جہیں تے تکھی ہوا دے نال مینھ وسیا ۔
