اسلام آباد ۔ 19 جولائی (اے پی پی) محکمہ موسمیات دے مطابق آندے 24 گھنٹے دے دوران پنجاب اچ گوجرانوالہ، لاہور، فیصل آباد، ساہیوال، ملتان، بہاولپور اتے ڈی جی خان ڈویژن، سندھ، مشرقی بلوچستان اچ ژوب، قلات، سبی، نصیرآباد، کوئٹہ ڈویژن، بنوں، ڈی آئی خان ڈویژن، فاٹا اتے کشمیر اچ کہیں کہیںجاہ تے کھمنڑ نال مینھ جڈاں جو کجھ جہیں تے موسلا دھار مینھ وسنڑ دا امکان ہے ۔ایندے علاوہ خیبر پختونخوا اچ مالاکنڈ، ہزارہ، پشاور، مردان، کوہاٹ ڈویژن جڈاں جوراولپنڈی، سرگودھا ڈویژن، اسلام آباد تے گلگت بلتستان اچ کجھ جہیں تے کھمنڑ نال مینھ وسنڑ دا امکا ن ہے۔ رپورٹ دے مطابق گزریل 24 گھنٹے دے دوران اسلام آباد، پنجاب، خیبرپختونخوا، سندھ اتے کشمیر اچ کہیں کہیں جاہ تے جڈاں جومکران، قلات ڈویژن اتے گلگت بلتستان اچ کجھ جہیں تے تکھی ہوا دے نال مینھ وسیا ۔
