اسلام آباد ۔ 25 جولائی (اے پی پی) الیکشن کمیشن توہین عدالت کیس اچ تحریک انصاف دے سربراہ عمران خان دے خلاف فیصلہ محفوظ کرگھدا، عمران خان دے وکیل ولوں چاتے گے اعتراضات تے فیصلہ 10اگست کوں سنڑایا ویسی ۔ منگل کوں تحریک انصاف دے سربراہ عمران خان دے خلاف توہین عدالت کیس دی سماعت چیف الیکشن کمشنر جسٹس (ر) سردار محمد رضا دی سربراہی اچ پنج رکنی بینچ کیتی۔تحریک انصاف دے سربراہ عمران خان دے وکیل بابر اعوان توہین عدالت دے حوالے نال الیکشن کمیشن دا دائرہ اختیار ہی چیلنج کرڈتا۔ انہاں موقف اختیار کیتا جو الیکشن کمیشن ڈے توہین عدالت دی کارروائی دااختیار ہی کائنی۔1976ءدا توہین عدالت دا قانون ختم تھی گیا ہے، آئین اچ سپریم کورٹ اتے ہائیکورٹ کوں توہین عدالت تے کارروائی دا اختیار ڈتا گیا۔ آئینی اختیارات سانگے قانون دا موجود ہوونڑ وی ضروری ہے ۔ ایں موقع تے چیف الیکشن کمشنر ریمارکس ڈتے جو قانون تاں اونویں وی ایکٹ دی جاہ گھندا ہے ۔ بعد ااچ ایں کیس دا فیصلہ محفوظ کرگھدا گیا جیرھا جو 10اگست کو ں سنڑایا ویسی ۔
