اسلام آباد ۔ 20 جولائی (اے پی پی) الیکشن کمیشن سندھ اسمبلی دے حلقہ پی ایس 114اچ ووٹاں دی دوبارہ گنتی دی درخواست تے فیصلہ سنڑیندے ہوئیں اے معاملہ الیکشن ٹریبونل کو ں پٹھ ڈتا ہے۔ الیکشن کمیشن اچ ایم کیو ایم پاکستان دے امیدوار کامران ٹیسوری سندھ اسمبلی دے حلقہ پی ایس 114اچ ووٹاں دی ولا گنتی دی درخواست کیتی ہئی جیں دی سماعت چیف الیکشن کمشنر جسٹس (ر) سردار محمد رضا دی سربراہی اچ پانچ رکنی بنچ کیتی تے بدھ کوں فیصلہ محفوظ کر گھدا جیرھا جو خمیس کوں سنڑایا گیا تے معاملہ الیکشن ٹریبونل کو ں پٹھ ڈتا ۔
