اسلام آباد ۔ 20 جولائی (اے پی پی) امریکا اچ پاکستان دے سفیر اعزازچودھری آکھیا ہے جوپاکستان اچ سرمایہ کاری دے ودھ سارے موقع موجود ہن جیں نال امریکی سرمایہ کار تے تاجرفائدہ چا سگدے ہن ۔انہاںاے گالھ پاک امریکن بزنس ایسوسی ایشن دے وفد نال ملاقات اچ آکھی ۔ پاکستانی سفیر وفد کوںپاکستان اچ سرمایہ کاری سانگے ودھ سارے موقع دی تفصیل بارے ڈسایا تے آکھیا جو امریکی تاجراں تے سرمایہ کاراں کوں پاکستان اچ سرمایہ کاری سانگے حکومت ولوں ڈتیاں گیاں سہولتاں تے ترغیبات توں چنگاں فائدہ چاونڑاں چاہیدا ہے ۔ اعزاز چودھری آکھیا جو حکومت اتے سکیورٹی فورسز ولوں اقدامات دے نتیجے اچ ملک اچ قیام امن اچ مدد ملی ہے تے ملک اچ کاروباری سرگرمیاں عروج تے ہن ۔انہاں پاک چین اقتصادی راہداری دے حوالے نال امریکی وفد کوں ڈسایا جو تے آکھیا جو راہداری دے منصوبے پاکستان اچ ترقی دے نویں رستے کھولیے ہن۔ انہاں وفد کوں ڈسایا جوچین ، کوریا، یورپی اتے امریکی کمپنیاں پاکستان اچ سرمایہ کاری سانگے تیار ہن۔اعزاز چودھری آکھیا جو پاکستان اتے امریکا وچال مختلف شعبیں اچ تعاون دا مضبوط رشتہ ہے، پاکستان اتے امریکا رل تے کم کیتا جیں نال ڈوہیں ملکاں فائدہ چاتا ۔
