واشنگٹن ۔ 27 جولائی (اے پی پی) امریکا اچ پاکستان دے سفیر اعزازچوہدری آکھیا ہے جو ایجھے شواہد موجود ہن جو پاکستان دے سرحدی علاقیں اچ سکیورٹی فورسز دے اپریشن توں فرار تھیونڑ آلے عسکریت پسنداں افغانستان اچ حکومتی عملداری نال آزاد علاقیں اچ محفوظ ٹھکانڑیں قائم کیتے ہن جتھاں اوپاکستان اتے افغانستان اچ دہشت گردی دی مربوط کارروائیاں دی منصوبہ بندی کریندے ہن۔انہاں اے گالھ واشنگٹن اچ انٹرنیشل انسٹی ٹیوٹ فار سٹریٹجک سٹڈیز دے اہمتام نال منعقدہ تقریب توں خطاب کریندے ہوئیں کیتا ایں موقع تے ماہرین تعلیم، دانشور اتے مختلف شعبہ ہائے زندگی نال تعلق رکھنڑ آلے لوکاں دی ودھ ساری تعداد اچ موجودہن ۔انہاں آکھیا جو افغانستان اچ تھیونڑ آلی دہشت گردی دے واقعات سانگے پاکستان کوںمورد الزام ٹھہراونڑ تے مددگار ثابت کائناں تھیسی۔پاکستانی سفیر آکھیا جوا افغان مسئلے دا فوجی حل ممکن کائنی تے ضرورت ایں امر دی ہے جو افغانستان اچ وسیع تر سیاسی مفاہمت کو ں ودھارا ڈتا ویسی ، پاکستان سمجھدا ہے جو او سیاسی مفاہمت ہی افغانستان اچ وسیع تر اتے پائیدار امن دے قیام دا واحد رستہ ہے۔پاکستانی سفیر آکھیا ہے جو افغانستان اچ امن و استحکام سانگے سیاسی بشمول مختلف افغان دھڑیں وچال مفاہمت، جامع اتے فعال سرحدی انتظام وانصرام، افغان پناہ گزیناں دی واپسی اتے پاکستان اتے افغانستان وچال نیڑے تعاون دی اشد ضروری ہے ۔انہاں شرکاءکوں دہشت گردی دے خلاف جنگ اچ پاکستان دی کامیابیاں تے قربانیوں، پاکستان دی اقتصادی ترقی اتے خطے دے اہم مسئلے بارے پاکستان دے موقف دے حوالے نال تفصیل نال ڈسایا۔انہاں آکھیا جو دہشت گردی اتے انتہاپسندی دے خاتمے سانگے اقدامات دے نال نال اقتصادی ترقی سانگے اقدامات کیتے گے ہن جیں دے چنگے ثمرات سامنڑے آندے پے ہن ہیں، پاکستان دہشت گردی دے خلاف جنگ اچ بیش قیمت جانی تے مالی قربانیاں ڈتیاں ہن ایں جنگ اچ اساڈیاں قربانیاں ساریں توں ودھ ہن ۔
